Zeit schenken

In do Zeitung hon i gilesn übo an Kurs vom Volontariat,
do hob i mir so gedocht, wos war, wenn i do mit tat?
I hon mi donn uanfoch gemeldet nouch längerem üboleg’n

In do Hoffnung, des wear i wohl a nou üboleb’n.
Wie i dou hinkimm, houbm olla amol bleid g’schaut,
i wor zi spout drun und hon mi foscht net inigitraut.
Na – wou bin i dou gilondet – i sigg dou olls lei Fraun,

i denkmo, konn i mi als Monn woll zui gitrau’n?Mit an charmantn Lächeln hon i die Situation glei üboblickt
Und man hot mi af an Plotz neibm a schiana Dame hingschickt.
So viel Frauen: brauna, blonda und schworza, kuana mit graue Hoor,

dei Forbe isch gonz aus do Mode – wenn man kimmt in die Johr.
Do Dorothea hon i glei gsogg: i mueß obo Donnerstogs Chorprobe gion!
Nix do – hotse gsog – ietz muß i zum Singen dohuam unto do Dusche stion.
Na – ietz mecht i schun gonz ernschthoft übo den Kurs eppas sougn

I wuaß net wies enk gongen isch – amol i konn mi net beklougn.
Trotz die gonzn earnschtn Themen hobmo decht a viel gilocht
Und in olla Referentn a gruaßes Kompliment gemocht.

Es isch ins gsogg wordn wos sein insra voschiedenen Aufgobm
Und wia man umgeaht mit Leit, die a geistige odo körperliche Behinderung hobm.
Wie konn man am beschtn helfn – weil die Leit wern olleweil älta

Von a Frau mit Alzheima wor die Rede – dei wuaß nimma wos sie hot besessn
Des isch mir bekonnt vorkemm, weil vom Kurs hon i a schun viel vogessn.
Zi kommuniziern mit die Leit isch kompliziert, des mueß i schun sougn

Weil fratschln terf man net – net ratschn und schun gour nix außitrougn.
Do Walta hot gizuag wie i als Monn ando Frau die Jagge unleign tui,
dou wor i a bißl ungschickt, obo ban ausziogn wor i schnell ginui.
Nocha hon i nou giterft mitn Rollstuhil ums Haus umma kutschiern

Do Dokta Huber hot schion giredt vom Trauern und vom Sterbm
Jo des isch viel feina als wie alluane durch die Gegend marschiern.
In so an Oltersheim do wersch man gepflegt und vosorgt von A bis Z
Des koschtet zwor an Haufn Geld – obo du hosch a Zimmo und a Bett.